close
一畢業就加入左香港某電訊公司個Sales, 接觸左好多有關寬頻光纖電話線既知識, 電視, 電腦, 智能產品等既知識. 由咩都唔識, 慢慢學下學下, 而家都算識左多左少少.
我而家主要負責緊一D有關家居既服務
例如家居無線網絡設計, 即係令全屋都可做到高速既WiFi, 係裝修既時候做埋拉線服務
另外, 仲有智能家居, 就係用一塊平板或者智能手機就可以控制窗簾, 冷氣, 燈光, ipcam同埋各類既影音器材
仲有家居保安服務, 包括係屋企裝CCTV, 動作感應器同警報器等既保安裝置
入到黎先發覺而家D電訊公司原來做埋咁多野, 仲以為佢淨係攪上網!
好彩我自己本身對呢D網絡既知識都有D興趣, 所以有唔識既時候都會睇下WiKi同上網搵下資料, 好似 PABX, Port Forward, ADSL, VDSL 同光纖既分別等既知識, 所以我都算係從一個咩都唔
識既新手, 慢慢成為一個初級小Sales, 相比起D有經驗既同事真係差好多皮.
各位90後都要加油:)
文章標籤
全站熱搜
留言列表
